Keppendur í Herra Ísland eru 21 í ár og eiga flestir landshlutar fulltrúa í hópnum.  Keppnin verður haldin á Broadway 23. nóvember n.k og sýnd í beinni sjónvarpsútsendingu á Skjá-1 sem hefst kl. 22:00.  Listrænn stjórnandi er Ástrós Gunnarsdóttir.

Strákarnir munu taka á móti matargestum í anddyri Broadway með Captain Morgan fordrykk og síðan verður snæddur 3ja rétta kvöldverður.  Húsið opnar svo kl. 22:00 fyrir aðra en matargesti.

Matseðill kvöldsins:

Sjávarréttasúpa með grillaðri risahörpuskel

Nauta-og grísamedalía bordalaise, með ristuðum sveppum ogkartöfluþrennu

Krapís á súkkulaðiplötum með marineruðum jarðaberjum

Keppendur munu koma fram 4 sinnum; í opnunaratriði og í tískusýningum frá Next og Oroblu.  Valið verður í 5 manna undanúrslit og svo 1.,2. og 3. sætið.  Auk þess verða valdir Next-herrann, Zirh-herrann og strákarnir velja sjálfir  þann vinsælasta í hópnum.  Jón Gunnlaugur Viggósson, Herra Ísland 2005 mun afhenda titilinn eftirsótta um kl. 23:30.

Strákarnir hafa undanfarnar vikur æft í World Class, Laugum og aðrir sem koma að útliti strákanna eru:

Toni&Guy sem sjá um hárið með og L´oreal professional hársnyrtivörum

Gasa hefur umsjón með förðun  með CEE og Zirh förðunarvörum

Snyrtistofan Fegurð bauð strákunum í brúnkuspsrautun